خلاصۂ مقالہ:خبیب کاظمی
خبیب کاظمی
نور رشد و ہدایت پہ لاکھوں سلام
آفتاب نبوت پہ لاکھوں سلام
پیکر امن و راحت پہ لاکھوں سلام
منبع صلح و رحمت پہ لاکھوں سلام
آگئے بن کے سارے جہاں کے امام
شاہ عالم کی بعثت پہ لاکھوں سلام
ان کی برحق صفت ہے رؤف و رحیم
مجتبیٰ کی مودت پہ لاکھوں سلام
بن کے آئے وہ رحمت جہاں کے لیے
ان کی جود و سخاوت پہ لاکھوں سلام
اس سے حاصل خدا کی محبت ہوئی
مصطفیٰ کی اطاعت پہ لاکھوں سلام
منتظر روز محشر ہیں عاصی تمام
تاجدارِ شفاعت پہ لاکھوں سلام
جس سے روشن ہوئی بزم کون و مکاں
اس تجلئ رحمت پہ لاکھوں سلام
چومنے خاک طیبہ چلے جب حبیب
چشم تر کی عبادت پہ لاکھوں سلام
موضوعات:#اردو ادب و شاعری